香港新浪網 MySinaBlog
« 上一篇 | 下一篇 »
Max Chow | 8th May 2013 | 軟件系統開發 | (1610 Reads)

這個是幫一個幫襯開EverySoft.hk做金融系統的熟客訂做的系統。 她打算在樓價逆市下跌的時候籌備開一間小型地區性的地產代理公司。 我問佢:依家個樓市插晒水,連施永清level果啲連鎖式大型龍頭地產代理鋪都叫苦連天,隨時都會減少分店的時候,妳竟然隊個頭埋去,妳又唔系做開,咁唔系自殺麼?! 我話:『我唔系你男友阻唔倒妳,不過我驚收唔到妳條尾數姐 …. 』。 佢聽完咀角一笑,話我無知:I.T.人是well trained的專業人仕,所以都是只能「學」得懂戰術,但達不到懂戰略的境界 …. 她深深的吸了一口香煙,煙霧徐徐的從她唇邊溢出 …. 而我全晚就成為了無辜的二手煙受害者:返到屋企實比呀媽問頭先去左邊。

其實有冇人明佢講乜!? 我就真系唔明。

Picture

註:被迫食二手煙時我介紹你地飲Mojito,有效減少被煙攻的苦澀感。

講返個樓盤管理系統,首要要求是要Web版本。因為佢地做開金融,所以好明白公司啲Sales 人數系好容易會因應市場變化好快會加會減,所以最好 Sales 自己用 NoteBook手提電腦。 咁就唔會出現多Sales果陣唔夠電腦用,少 Sales 果陣啲電腦又吉晒系度晒太陽的情況。 另外很多時Sales系出面走來走去不在 Office,Web版本甚至手機版本就好啱用。

佢自己出去一搵啲樓盤管理軟件,唔使講話咩Mobile手機版本,就是Web 版本的地產代理系統這個要求原來都是很「地下」,選擇都是極之有限。 她同我講:市面上點解D Web地產代理系統價錢唔標明,收費又複雜,話明Web版本竟然都無網上Demo, 要 Call Sales上來做 Demo 報價,Support收費又多又濕碎聽唔明,有D仲話多一部電腦用收多一個 licence錢,最慘系一系好複雜好難用,當然又勁貴。 一系就功能太少唔夠用,但月費都唔平,因為系Web版要 join佢地 service。 好啦,千辛萬苦搵到一間香港的 Software House 有現成的物業代理軟件出售:價錢便宜,功能唔太多唔太少就是夠用,她很喜歡 …. 但就是沒有Web版本!暈! 她叫我打電話去問有沒有 Web 版本提供,我硬著頭皮打去 ….. 結果就是沒有結果了。  

最後,當然佢就好醒目咁諗到叫EverySoft.hk可唔可以做埋。 但,不能收貴 (只有HK$10,000開發費);但,功能要足夠應用;唔使心急做,但最緊要快做;但,要容易使用,連佢都要識用。 

無肉食的生意,但她是我的熟客,我點拒絕佢好呢!?

 


完成品

Picture

軟件簡介,說明書及試用下載:請按這裡
網上Online Demo:請按這裡  Username: admin Password: 123456
雲端軟件安裝步驟:請按這裡


 

相關文章: 

EverySoft.hk Web版物業代理樓盤管理系統 (1)

EverySoft.hk Web版物業代理樓盤管理系統 (2)

EverySoft.hk Web版物業代理樓盤管理系統 (3)

EverySoft.hk Web版物業代理樓盤管理系統 (4)

EverySoft.hk Web版物業代理樓盤管理系統 (5)

EverySoft.hk Web版物業代理樓盤管理系統 (6)


[1] 我都係想開地產舖

不過我會細心思考各個項目,
包括系統應用, Web好處係版面欄目自行決定,
即排版及功能可按自己去設計,
但我發現Web版地產軟件,
最大問題係速度同安全性上面,
你這個客仔朋友能用10000元去設計系統仔,
眼光遠大, 但忽略細心問題, 地產,
主要人同盤, 如果, 能夠隨意將樓盤資料帶走,
你間公司仔就危險, 太易帶走啦,
人同盤之外, 系統應用, 還有資訊性都好重要,
成交記錄呢?


[引用] | 作者 測試員2號 | 2nd Aug 2013 | [舉報垃圾留言]

[2] 我都係 Freelance

市面上行 Web 的地產系統唔係淨係賣資料的.佢地主力賣 database,系統只是晃子而已.所以唔會標實價.


[引用] | 作者 Dennis Wu | 10th Sep 2013 | [舉報垃圾留言]

[3] 我都係 Freelance

因為市面上的Web版地產軟件主力係賣 Database,軟件為次.所以不會標實價.


[引用] | 作者 Dennis Wu | 10th Sep 2013 | [舉報垃圾留言]

[4] Re: Max Chow

以前我老細係做 IDD Inbound (打入香港)發逹的(我當時只是打工的,發唔到我 he he)。而家IDD Calling Card 新入行無得做啦。而家都係淨番柴灣嗰幾間。

Asterisk 相關的,而家都有幫客戶做小型 Call Centre加埋 Outlook Integration。同埋我 Partner 的 IVR 相關的項目。

我應該係你的街坊。06年我住寶發,三年前搬佐上慈雲山。Keep in touch!

Max Chow :
師兄利害!你說得對!你真了解這行!我開發了這系統之後訪問了很多小型連鎖式地產鋪,例如『大同地產』。他們是用一套軟件叫『AgentBase』的軟件。這軟件其實是提供盤源給客戶。他們有職員在報章及途徑找到樓盤,然後經系統提供給客戶,解決了小鋪盤源問題。所以很受中小地產公司歡迎。 EverySoft.hk 要在地產軟件行業做得住,我相...


[引用] | 作者 Dennis Wu | 11th Sep 2013 | [舉報垃圾留言]

哎喲!
我地相逢恨晚。

我過幾日搬個 SOHO Office 去青衣啦 … 即是自己搬屋。
要離開住了幾十年的黃大仙了。
依家乜都未搞唔知點執。踢晒腳。

不過講真你真系我師兄。
我地做果陣Inbound,回撥都水尾了。
你應該早我幾年了。
果陣有間好似叫Elephant的真系好搵錢。
佢地系 IDD 開放牌照時即做,個個老板上晒岸。
我地果時做水尾,租 world com 啲 Voice T1 做。
果時放card 系環球大廈的街鋪,仲收緊20%。
即是張card 賣 $100,佢地袋 HK$20。
大公司IDD分鐘包底量大,來價平,仲有水位。

後來愈來愈多人做,令人O咀的創意又愈來愈勁。
都系唔好講了,
驚爆左以前啲客啲東西出來唔好,雖然都已十年前了。
有機會傾下計。

Keep in touch!

[引用版主回覆] | 作者 Max Chow | 12th Sep 2013