香港新浪網 MySinaBlog
« 上一篇 | 下一篇 »
Max Chow | 5th Feb 2011 | 軟件公司發展 | (713 Reads)
everysoft.hk 經過了半年多的發展,除了以前老闆的 Project 外,亦完成了一些其他客人的訂造軟件 project。這些 project都因應個別公司的運作要求而訂造,所以很大程度上只適合個別公司的日常運作。加上客人常常都要求要把公司內部的 business Process 保密,避免給同行知道公司內部運作模式,令軟件系統的可重售性到現在還是零。這和當初的構想:「把 project 做為可重售的商業軟件」這個構想相差很遠。

如果 project 不能變為可重售的 product,那麼便不能做到有自己公司的標準產品,接 project 變成了是一個餐搵餐食,手停口停的工作。

怎樣才可做一些可重售的軟件系統?當然最好就是接一些果行業界普遍都會用的系統來開發了。但做了半年多後,我發覺,在某一行中,例如零售業,基本上業界普遍需要的軟件功能,市場上早就已經有商業軟件照顧到了,客人跟本不需要找軟件公司開發,直接買市面上的套裝商業軟件便成了。所以,可變為產品,可重覆使用的軟件開發 project 便接不到了。接到的 project,都是極度的 tailor made project。即是project 所開發的軟件只適合某一間公司自己特有的運作需求,其他公司基本上不合用。客人就是因為在市場上找不到軟件能配合到公司的特別運作需求,所以才找 everysoft.hk 開發。但就是因為「特有」,所以到現時為止都未有一個 project 能包裝成業界都可普遍使用的商業軟件。

一單 project 過 一單 project,貴極有限,餐搵餐食,手停口停,唔可以永遠係咁。諗唔掂,又要用我的方法:去有花草樹木的地方靜靜地行下。落街行左陣,見到架去西貢的 1A 小巴,諗都唔使諗,上左去。點知,原來要成 HK$8 蚊! 想落返車,點知架車已開 0.0。算,順其自然啦。20分鐘唔使,到左西貢碼頭。左行右行,睇下人釣魚,買包珍珍食下,同D狗玩下(超多人帶狗入去),凸然有個呀叔跳出來問:呀哥,去唔去地質公園,廿皮來回!我心諗,地質公園,即是橋咀島,改左個名又幾好聽。好耐未入過去,入去睇下都好。10分鐘唔使,又到左橋咀島。

Picture

行來行去,睇下D沙灘貝殼,魚毛胞魚海心海膽加蟹仔,又比我諗到 D 野。成個 project 咁大件,唔係全部功能合用,咁咪拆到佢細細件,覺得邊件有用咪拿去用lor。

有啲 project 的 software 已搞掂。而且因為 everysoft.hk 的軟件開發是用自家的 Every.Net 這個 framework 開發的 (詳情請看『 軟件公司的資產』一文)。 所以,全部都很著重重用性,打散某些功能包裝成一個小軟件不用太花功夫。這樣做,everysoft.hk 才能於短期內有自己的產品。好,就咁決定。

 


[1]

Hello Max! 好高興係依度認識你!多謝你將自己創業既經歷分享比大家:)

我覺得你講得好好,要建立一D可重用既系統,就好似object oriented 既 code reuse。我唸如果freelancer做mobile apps, CMS 之類既野reuse既機會會多好多(但係你好似比較多做enterprise tailor made software? btw 我以前讀書係讀signal processing, 都讀過kalman filter, particle filter =D )

我從C++轉做web engineer 半年了,原因係可以學到最新既技術同埋以後自己想做freelancer。唸緊以後翻香港,所以好高興看到你的經歷。唔知你介唔介意留個聯絡,有時間大家chat下?


[引用] | 作者 K仔 | 17th Oct 2012 | [舉報垃圾留言]

[2] Re: K仔

c.chan@wustl.edu


[引用] | 作者 K仔 | 17th Oct 2012 | [舉報垃圾留言]