香港新浪網 MySinaBlog
« 上一篇 | 下一篇 »
Max Chow | 29th Dec 2010 | 軟件公司發展 | (942 Reads)

這兩個月又天昏地暗,忙於搞一個傾緊的 Mathematical Modeling Project 加上以前的舊系統(s) upgrade, 搞到啲關於 DSS 系統的 demo 都未有時間做。個 Blog 就直頭無時間 update。睇怕唔去到2011年三,四月都無得抖。

今日 project partner 一早電話打來 (佢仲打緊 full time 工,唔開得名),劈頭第一句就話:我地又比人搞了!

我都未知發生咩事,佢就話:「你上自己個網睇睇!!老細叫我,唔傾咁多先。」咁我拿拿聲上 Google search 個 Blog 睇下 (因為以前都比人搞過 (詳情請看『 個 Blog 既 Google Search Result 都會比人『霸』了?』一章)。睇下 Search 下,無事wor。 跟手睇下 www.everysoft.hk,WAH 乜事呀?? 點解會咁 gar??

 Picture

 

個 web 比人 hack 左。放左一個耳熟能詳既 Hacker 組織 UAH-Crew 既版面上去!!拿拿聲 login 返入去 admin 睇下。Web 只比人改了首頁,其他OK。 E-mail 正常無加減野,其他野都正常。睇來 Hacker 只是要說明佢可以自出自入咁。講返 UAH-Crew 呢個 Hacker 組織,其實都有幾耐下歷史。但極少在香港活動,hack 香港商業網站更是少見。就算有,通常佢都係 hack WordPress 起的網站。 everysoft.hk 係海外都無業務,點解佢要 hack 呢?點解成個 ipowerhk 咁大咁多 Web Client ,個個唔 hack 只是 hack everysoft.hk

睇返近排煲緊個有關 Bussiness Intelligent 的project,everysoft.hk 又出「做爛市」的方式接job,對對手公司的開價有一定打擊。只要 everysoft.hk 可以証明到所 build的 model 達到了一定的準確度的話,iDSS 果 part 就有可能接到,甚至連帶更多週邊系統。

諗壞D會唔會並非UAH-Crew hack,而係插妝嫁禍? 事關公司的Security亦都係客人極重視的一個issue!要做 Mathematical Modeling,一定涉及到客人的公司運作的大量敏感數據,如數據落入敵對公司手中,後果不堪設想。例如財務公司經營了數十年,想用以往幾十萬客人的個人特質及借貸還款表現的關系來做一『智慧型決策支援系統(iDSS) (即是有學習功能)』,用來對新申請或現有active的借款人作出借貸評估的話,她一定要提供以往幾十萬借款人的特質及還款表現給 everysoft.hk 才能做到一個準確的數學模型。 處理資料的公司亦要保證資料的保密性,不會被第三者拿到。 如今 Web 被hack了,這亦連帶代表E-mail 亦有可能被 hack。資料的保密性便存疑了。

愈諗愈複雜,everysoft.hk 呢間微企,基本上在市場上是一隻工蟻,食得幾多野?咁都唔放過佢?再者如果覺得呢隻工蟻係搬得抬得,其他大旗可以把它收為旗下,無問題既。

都係唔好諗咁多,做返好自己。希望唔會再有事發生。