香港新浪網 MySinaBlog
« 上一篇 | 下一篇 »
Max Chow | 11th Oct 2010 | 軟件公司發展 | (787 Reads)

上回講到 everysoft.hk 遇到了發展交叉點:應該集中力量專注發展『商業應用軟件』,還是分散力量去包括埋『數據分析』業務? (詳情請看『Freelancer 開始迷失方向,應該怎樣走?』一章)。

 

市場上應用『數據分析』的『決策支援系統 Decision Support System (DSS)』一般都很貴。 有了 決策支援系統,公司只要輸入資料,決策支援系統 便會根據以往數據建議一些決定和意見給公司。例如:財務機構只要輸入貸款者的資料包括子女數量,月收入,職業,房產狀況 ... 等等,系統便可以根據過往數據經驗,建議公司批准或拒絕貸款,如真的要貸款,系統亦會說明風險有幾高等等。應用層面極廣。everysoft.hk 根據剛完成的一個有關 決策支援系統 的 project,神推鬼拱下證明了 everysoft.hk 在做『決策支援系統 Decision Support System (DSS)』的技術上在市場裏原來並不落後,甚至乎有證據顯示拍得住一些大型『數據分析』公司。

現在最大問題是公司資源有限,做『商業應用軟件』就比較穩陣,客戶已存在於市場,但毛利較少及競爭較大。『數據分析』(我都不知道是否這樣稱呼) 對我來說就是十分有興趣,所需要的核心技術部份是我做研究生時的研究項目。毛利大及競爭者不容易進入。但這是一個甚麼市場,客戶在那裏找,完全不知道。可以說是盲摸摸。

 

為了穩陣D決定之後點做,拿拿聲約左 NextBit 及 Cross-Discipline 兩個老闆解答我的疑問。一開始緊係參觀 Cross-Discipline 果間新買既仲裝修緊既尖東Office喇。 Office會用玻璃間開兩間老闆房,一個 conference room,其他地方就要來放員工的 Partition。 其實佢地都係我讀 MPhil 時的同學,轉眼已有自己Office及員工,我要真的要向他門多多學習。咁開心食飯當然要簡一間好野,係尖東左行右行,左簡右簡,最後去左尖東好彩酒家。間酒樓招呼超好,又唔係太貴,平均每人$150已食得好飽。

 

又唔知講去邊,講返做『商業應用軟件』或是做『數據分析』(或叫做『決策支援系統 Decision Support System (DSS)』)。我一講出來,原來佢地即時已經有 connection 可以介紹!佢地話佢地識D做醫療的機構,醫療 diagnosis 的系統就是需要這個東西!但佢地話,佢地識果D機構係需要我提供全部人功智能 (Artificial Intelligence A.I.) 方面既 algorithm 同 source code比佢地,咁我又覺得好似唔係咁好咁。即是要一次過賣斷晒全部技術過佢地。 左傾右傾,最後決定了:可以做『數據分析 (決策支援系統)』呢辨!因為上個 project 已證明了 everysoft.hk 在做『決策支援系統』的市場價值,而且個系統亦己做了出來,交了貨,ready 左的了。不過呢,實際行動 就是要用一段不太長的時間,做一些 case study 及簡單 demo software 放上web site,等客戶知道什麼是『決策支援系統』,她對他們的生意有什麼幫助,及 everysoft.hk 可以為他們度身訂造高準確度的 DSS 系統。做完這些基本東西後,便可全力投入回『商業應用軟件』的主要業務。這好處是其基本上未有深遠地分散力量,但又沒有放棄一個對公司來說是有可能有深遠影響的業務。就這樣決定吧!!

 


[1]

呢套野聽落幾勁!~係咪真係咁 AI ga?


[引用] | 作者 Hanky | 7th Dec 2010 | [舉報垃圾留言]

[2]

無錯!真係 work 既 A.I. 來的!!哈哈哈 ~~~

其實AI就係一個好強力既 regression 方法去估一條有n次方的公式出來。只要歷史數據夠多(即夠多野比個AI去學)同D數據夠代表性,就好多時做得返條 equation 出來。

呢樣野用途好多,金融方面例如信用卡盜用判斷,倒閉破產預測,債券分級;工業方面例如八達通閘機判斷有無兩個人行過(嬰兒車定係貨物);甚至醫學方面例如心電圖初步自動分類都可以做得到!

果時呀陸生就係想我幫佢用 Neural Network 做八達通閘機個認人AI!因為佢既誠信問題,我死都唔幫佢做。我想話:weekday做1x個鐘當8個鐘我無同佢計,因為我想做好D projects。但就以日計佢都差我廿幾日錢無比我呀!!做完先話個 project out budget。
明知無錢比但中途又要狂加 End User 無要求既功能,又同我簽 Time Sheet。唔狂加功能又點會 out budget 呢?!真係比佢搵晒老襯。

唔好意思,講左其他野 tim。

Max Chow
[引用] | 作者 Max Chow | 8th Dec 2010 | [舉報垃圾留言]