香港新浪網 MySinaBlog
« 上一篇 | 下一篇 »
Max Chow | 7th Sep 2010 | 創業心情記錄 | (3084 Reads)

做了 freelance electronic Engineer / software Engineer 一段時間,有趣的事情發生了不少。

最令我意想不到的,就是原來同客人第一次見面時,佢地十個著左九個除了問我 project 野以外,就係會問我學歷,以前做過乜工,甚至乎見都未見就係電話問你今年幾多歲!!仲有個客人問我結左婚未??仲有點解唔打工... freelance 收入好咩?等等都有。

我忍唔住問佢地點解咁問?有關系咩?

原來佢地新請唔識的 freelancer 真係膽博膽。佢地會考慮好多野:例如你會唔會收左上期唔做野?你的能力如何,你個人責任心好唔好,個人穩唔穩定,之後要搵返你 upgrade 個 software 你會唔會已打緊工無時間做?。完全同 interview 請一個人無分別,可能仲要嚴格 D tim。

咁我唯有寫我履歷出來,希望D客仔/女睇完會有個大概,唔使每次都 up from the ground interview 我一次啦 ~ 

學歷:BEng(Hons), MPhil

專業資格:CEng

年齡:過了30歲,未婚。個人生活穩定,不煙不酒,早睡早起。

技術開發方面:大型到小型軟件硬件系統開發。當中包括系統設計,可行性研究,軟件開發,電路設計,PCB layout,系統整合,測試。知道點做先符合到 ISO 要求,過到晒 MTR 呀,機電署的 Audit 要求。

Project reference 一堆:人人睇到既有:紅隧收費系統,康文署百達通閘機控制系統,MTR 比司機同控制室人員用既綜合訓練系統,PolyU 比學生用 Mifare 卡果D Kiosk, 政府泳池錢幣找換機, 又一城溜冰場職員用既借鞋機, MTR 自製果D增值機呀賣票機呀咁,甚至街邊你行過見到果的 PCCW 電箱的Timer控制系統,仲有 ... 寫唔晒 ... 睇唔到果 D 唔寫了。

管理方面:Run E&M project。無論 bid tender 還是出 tender (MTR, 機電署) 都有一定經驗。由個 project bid 到,到組班,計 cost, schedule, 開發,文件(submission) 到交貨 (commissioning & Testing) 做了N 次循環。客同 contractor 兩邊都做過,都很熟手了。

專業資格方面: 做了那麼多 Projects 無爆鑊,是以一take過拿了CEng(UK) (最後 interview 我果個政府佬其實佢都知我乜水,因為搞過咁多政府 project 都叫有D名)。近期比較大型既 project 係 MTR 柯士甸站個『主控制系統』(Main Control System) Software Upgrade 簽批收貨。

仲有一樣野好搞笑,當我第一次見面比卡片佢地果陣時,佢地個樣會好得意,好似唔知做 Freelance Programmer 都會比卡片的。

Picture

哈哈哈 .... 我想話,做一個稱職的 Freelance Programmer 並不簡單,她比普通打工的 technical 人要求更高更全面呢!

 

 

 


[1]

唔講真係唔知原來有咁架concern


[引用] | 作者 朱仔 | 23rd Sep 2010 | [舉報垃圾留言]

[2]

係呀,有樣寫漏左就係客人仲會叫你 send 份resume 比佢,同請人一樣。所以我會 send 呢條 link 比佢,咁就大家都方便快捷啲。

Max Chow
[引用] | 作者 Max Chow | 23rd Sep 2010 | [舉報垃圾留言]

[3] 加油

偶然路過
加油,
個人感覺你可以做到禁大識禁多野好利害
我覺得香港programmer 好似比人睇低,其實好多野都靠program
希望 貴公司越做越大


[引用] | 作者 fresh p仔 | 6th Jul 2011 | [舉報垃圾留言]


謝謝您鼓勵。
相對於系統開發的同行,其實我也不算是懂得很多東西。
只不過是把我自己有信心的東西一堆的拿出來,看起來好像很多吧。

[引用版主回覆] | 作者 Max Chow | 12th Jul 2011

[4]

看了你的故事,深有感觸,我也是跟你一樣,想闖一番事業,我畢業的第一年(即上年)就和我試過同partner創業,可惜資金不足,需要暫時擱置,現在先打工以籌集資金

我同我partner都是擅長網絡營銷和網站排名,現擁有一個盈利的網站,可惜所賺的不多,我自己也有不少idea想實踐,希望有機會可以合作


[引用] | 作者 alfie | 25th Jul 2011 | [舉報垃圾留言]


你也很像我,點都想想闖一番事業。
創業真的會很令人著迷的,因當中會很浪漫,亦會有很多幻想呀咁,
過程中亦有苦有甜。

做了一年多 Full-Time Freelance Programmer,都有一些体會。
創業的真面目是一個很現實的東西。
有驚喜的時候,也有迷失不知對不對的時候。

總結下來,對科技的人來說,其實要創業,實現理想係其次,理想未必就是市場要的東西。每天實踐,學習及面對現實先係最重要。

至於你說的儲資金,我的想法就是千奇唔好拿自己打工時的血汗薪水做資金。 如果決定一定會自己起壇野, 打工就是要來看清楚果行的真面目和建立好自己做野style,同給別人知道自己做野 style。

因為做生意的野,比1 mil落去如果打唔中 profit point會好快燒晒的。但要打工儲1mil 可能要幾年,一生人有幾多個來回幾年?

尤其係做 I.T.,不需要太多資金的。多資金但打唔中 profit point 亦只是苦守。
所以,一開始客路的針對性,技術的針對性最重要。 例如多客要你做 Web Database 的 application ,你便專注搞Web Database。開發 tools 如用熟 ASP 便用死 ASP,力度在於一點先會夠力,直到要轉為止。

這是我的想法,我也在學習摸索之中呢。如果有問題亦可隨時找我傾的。或可 add 我 MSN:maxchow@everysoft.hk

[引用版主回覆] | 作者 Max Chow | 9th Aug 2011