香港新浪網 MySinaBlog
« 上一篇 | 下一篇 »
Max Chow | 13th Aug 2010 | 軟件公司發展 | (1151 Reads)

一個多星期沒有寫網誌了,除了因為手頭上幫以前老闆做緊的 project 外,亦要完成 『二手寄賣管理系統』的 Online Help 開發工具。而更重要的,就是把完成了 (未有 online help) 的『二手寄賣管理系統』給朋友們比意見。結果返來後,答案是:這軟件是沒有老闆會買來用的!! 有些開過時裝鋪的女仔 friend 就說免費的會拿來試,因為外表都幾靚,又簡單易用,知佢做乜。但用來按按玩玩倒可以,但不會真的拿來做生意用 lor。

OMG!! 我應該是做錯了一些很重要的東西了。emotion

事情是這樣的:一開始做好了『二手寄賣管理系統』後,跟據 ISO12207 的要求,係要做 peer review 的。(即要比 D qualify 既人或 sector 做 review)。 我得一條友,咁就比朋友仔們 peer review 啦。 佢地有 D 係開發 software 好耐,有 D 就係 software House 老板,例如 NeXtBit 老板同 Cross-Discipline 老板。佢地有 D iPhone Apps 去到 Top10 Paid App 咁,已搞到係尖咀靚位自置 Office,佢地 D 市場 sense 同 comment 絕對信得過。 我有 D 就 send 個 setup file 比佢地 review,有 D 就搵佢地食飯 demo 比佢地睇,得出來既結論就係:個 Software 唔得,係功能上,件野唔好夾硬出街。有 D 就嚴重到話:『重寫把啦!』

呢一驚真係非同小可,可能太大打擊,驚左幾日又來我的老毛病:肚瀉。我連續受打擊兩三日就會肚痛。屙左幾次之後,個羅友損晒。係我坐係厠板上的時候平心靜氣心諗,做宅男只參考別人的軟件要求都係唔係路,真係要搵 D 真係做緊二手店的去做 Visit 拿功能要求先 touch 到問題要點。 休返條褲上網搵有二手樂器店有二手 HiFi 店,打左幾個電話,答案係唔需要,老闆唔係度呀咁。打返去以前我買二手電腦枱果度問,佢話佢地做二手,但唔係做寄賣,有用 software ,係用 "財神" 牌既 "進鎖存系統",搵左一陣,可能係呢個

OMG !!做宅男果然唔掂!之前都係因為我買二手電腦枱見佢地用紙筆記底所以自己諗做 『二手寄賣管理系統』,點知佢地係有用其他軟件既 ~ 鳴鳴 .... 打比D女仔 friend 等佢地安慰下我,左傾右傾,原來佢地有個靚女 friend 係以前開過時裝鋪既。咁拿拿聲約佢出來食飯,demo 比佢睇下個系統,佢話:個 software 好 cute,好想按下 D button 玩下,但我開二手寄賣鋪一定唔會用佢 lor。問兩問,原來時下 D 二手寄賣鋪係好似正常鋪頭咁用緊市面上既套裝『進銷存』系統,所以市埸上係無乜咩似樣既 『二手寄賣管理系統』既。 吓??咁我咪傻仔左做左 D 無市場價值既野出來?? 暈....emotion

正當我想暈落佢度果陣,佢話:停!唔使暈落來我度住,市面上的『進銷存』系統只可以做到 80% 二手寄賣店的要求,有些二手店專有的事情它做不到或不方便。例如計佣金plan呀,不同的行政費,分析那類寄賣品受歡迎,即時分析賺錢賠錢等等對老板都是很重要,但市面上產品就是找不到或不知那裏有。 所以她說其實整個 『二手寄賣管理系統』應該是一個小型的『進銷存系統』加上給二手寄賣店專用的功能。

我的那個勉強叫進銷存的小玩意,根據佢講,幫到間鋪 50% 手都唔知有無,人地買個 Off-the-shelf 『進銷存』系統已可幫到 80% 手,又點會用我果個。同埋佢話,呢 D 野平係無用,HK$200 個同 HK$2000個,日日用既野, 幫到手的既 HK$2000 同 D 租比都唔係好貴,最緊要個 Software 係真係幫到手。

食左兩粒幾鐘飯,收獲豐富。最少已有似樣的系統要求。得出既結論係:唔可以做宅男,系統功能的要求要盡量要直接同行業拿,才能準確切合果個行業的需要。別家的同類軟件只可當作參考。如果唔係隨時做件無用的東西出來。

Picture

 

宅男,No Way! 不過今次個系統就真係要大改了。 GO !!


[1]

記得以前做過一次特定功能軟件開發的項目,三個程式員,埋頭苦幹,我甚至飛去上海跟客人商議,花了不少錢。怎料,臨門一腳,對方說總公司已聘用另外一家公司作全球性開發,所以不建議上海先行!另外一個部門,花更多的錢在軟硬件開發上,慾投政府專營權,最後也是失敗了。

這解釋為何網上有那麽多免費軟件,就因爲,小公司根本無法開源,唯有免費派發,希望得到大公司青睞,將其收購。沒事,你就努力好了,祝你好運:)


[引用] | 作者 嚴明 | 13th Aug 2010 | [舉報垃圾留言]

[2] Re: 嚴明
嚴明 : 記得以前做過一次特定功能軟件開發的項目,三個程式員,埋頭苦幹,我甚至飛去上海跟客人商議,花了不少錢。怎料,臨門一腳,對方說總公司已聘用另外一家公司作全球性開發,所以不建議上海先行!另外一個部門,花更多的錢在軟硬件開發上,慾投政府專營權,最後也是失敗了。這解釋為何網上有那麽多免費軟件,就因爲,小公司根本無法開源,唯有免費派發,...

嚴兄你說得對。小公司做軟件難,接有發展前景的 Project 更難。

做商業軟件這一方面,老實說,我是初哥。我也發現 start-up 時會是一件處於迷糊狀態的事。
找市場空間,做對的事,摸索的黑暗時間可能會很長,要不斷去試及很快的修正方向。
當中會有很多體會,是一件很有意思及令人興奮的事。

至於政府或大機構項目,我打工時也參與 bid 了不少。海關,金管局,機電處,MTR,KCR,SWIRE ... 要接到案子,當中的妙處甚多。
大前題不外乎照顧到各方利益,由大至小,井然有序,就看你能否看得通透。也要看你有否興趣長時間投入這個圈子裏混。

Max Chow
[引用] | 作者 Max Chow | 14th Aug 2010 | [舉報垃圾留言]

[3]

可以短時間起到一個system, 已經好勁,
可能離成功只差一小步, 請加油!


[引用] | 作者 William | 27th Aug 2010 | [舉報垃圾留言]


謝謝 William 的鼓勵。
說來慚愧,一開始竟然犯了『沒有落區』搜集資料的錯誤。好彩朋友們及時提醒。
我會努力的!

[引用版主回覆] | 作者 Max Chow | 27th Aug 2010

[4]

唔打緊,你的策略很好,找些用家讓她看看你的軟件,比D意見,但這只是其中一小部份人的想法,可能其他人會覺得你的軟件適合呢!


[引用] | 作者 朱仔 | 2nd Sep 2010 | [舉報垃圾留言]


朱仔,謝謝您的鼓勵。最近我也走訪了其他賣二手用品的店鋪,雖然他們沒有下單,但他們都提供了現在的系統那些地方"不順手"。也表示當我的系統完成後會試用。現在手頭上有一些街外的 Projects,因客戶說要保密,所以不能在此分享了。不過我會每日做一些,盡快完成這個『二手寄賣管理系統』的。

[引用版主回覆] | 作者 Max Chow | 6th Sep 2010