香港新浪網 MySinaBlog
« 上一篇 | 下一篇 »
Max Chow | 15th Jun 2010 | 軟件公司發展 | (1237 Reads)

 

Picture

晨早七點半,食完大家樂深海魚早餐,飲住包『北海道特選 3.6 牛乳』, EverySoft.hk 一個人開晨早例會:

自問:開了公司,定了業務方向為商用小型軟件,但還沒有客人,應該做什麼商用軟件?

自答:我想應該做幾個示範程式供人下載試用,吸引客人訂造軟件吧!

自問:還沒有客戶,拿不到系統要求,做什麼好呢?

自答:就做你平時看到或用過的行業吧!比較容易估佢地要乜。

自問:平日行過樓下有 ... 茶餐廳,大快活,美心麵包,不過佢個軟件我睇幾複雜,無返幾個月 Full Time 用來開發都唔掂。而且市場裏已經有很多果個行業的龍頭軟件雄霸住 ... 到底應唔應該參考幾個龍頭系統的功能,集合晒佢地的功能,忍辱負重一年,做一個超強的出來,一鑊過變商業軟件巨人呢?到時仲唔威到盡?

自答: 一條友咁自言自語都唔係辦法,都係搵下人問下!

 

好不容易等到成10:00a.m. 打比 Cross-Discipline 老闆,佢應該訓醒返到公司。

:奇哥, 我想做一個超強系統出來,一鑊過 ... (之後又刪數萬字)

奇哥:唔係呀?開波時唔好做大單野住。你做個簡單 Demo 又好點都好出來,開左個頭先啦。你 xxxx .... (之後又刪數億字)

 

之後得出個結論係: 

你同我都唔知個市場點個行業係點,無客底下冒然訓身落去無償一年做個軟件出來實屬不智。

如要重點投放全部資源落一行業做『毛澤東策略』,就要做D簡單野試下水溫先。例如快手做個 Demo Software 比某一行業,寫到明可以同佢度身修改。當有人試過想加功能果時就可了解多些果行的詳情和系統要求,先可決定係咪全力進入此行業軟件。

依家即時要面對既就係:開始應做邊行先?mmmu... 以身邊事物做起。之前係觀塘買了張二手電腦桌,無記錯佢地好似仲係用緊紙同筆做緊記錄, 就做一個簡單的『二手寄賣系統』。

如一直沒有客人,我便一直寫,一個系統,兩個 … 三個 … 單機版,網絡版 …

比心機去做的軟件,我相信終會有客人願意嘗試訂做軟件的。

GO!