香港新浪網 MySinaBlog
« 上一篇 | 下一篇 »
Max Chow | 8th Jun 2010 | 軟件公司發展 | (2266 Reads)

 Picture

一大朝早起身,坐係圖紙多到七彩的工作桌前聽完晨早新聞報告後,係時間認真諗諗公司今後發展方向。

看看現在的情形,現在的收入是靠以前老板分給的 Projects,照睇會長做長有。但這和打工是沒有分別的,只是變了自僱的形式。雖然自由度大了一些,例如工作時間上和開發工具上,但這和我當初的構想有些不同。況且自己自由地搵 project 是開公司的主要原因。想到這裏,是時候開始決定公司的 Core 業務,初步的產品及服務來自己搵客仔,自食其力了。

做 Freelance Software Engineer 的構想是接 軟件控制系統開發工程。然後發展出一間真真正正的本地工程公司,以香港的技術及人材,接 E&M Project。之後接 MTR,機電署 E&M Project。(發緊好大的白日夢,傻了。)

以這個目標為本,回看返自己打工時做過又有信心的東西:

管理方面:Run E&M project。無論 bid tender 還是出 tender (MTR, 機電署) 都有一定經驗。由個 project bid 到,到組班,計 cost, schedule, 開發,文件(submission) 到交貨 (commissioning & Testing) 做了N 次循環。客同 contractor 兩邊又做過,都很熟手了。

技術開發方面:大型到小型軟件控制系統開發。當中包括系統設計,可行性研究,軟件開發,電路設計,PCB layout,系統整合,測試。知道點做先符合到 ISO 要求,過到晒 MTR 呀,機電署的 Audit 要求。

Project reference 一堆:紅隧收費系統,康文署百達通閘機控制系統,MTR 比司機同控制室人員用既綜合訓練系統,PolyU 比學生用 Mifare 卡果D Kiosk, 政府泳池錢幣找換機, 又一城溜冰場職員用既借鞋機, MTR 自製果D增值機呀賣票機呀咁,甚至街邊你行過見到果的 PCCW 電箱的Timer控制系統,仲有 ... 寫唔晒 ... 

專業資格方面: 做了那麼多 Projects無爆鑊,一take 過拿了CEng (最後 interview 我果個政府佬其實佢都知我乜水,因為搞過咁多政府project都有D名)。MTR 柯士甸站個『主控制系統』(Main Control System) 我都有份簽批收貨 gar。

 

但最大問題係:呢D系統工程,並非一間一個人的 SOHO 公司可以接到。就算做得到 Sub-Contractor (判上判),我一個人技術上可以 cover 晒,但一個人得 24小時,寫 Software, 造Hardware, documentation, commissioning 全部係時間。請人要有固定 project 來源,唔通接一個 Project 請幾個? Project 完就 BYE BYE 仲要果個人係達到水準幫得手既?搵 Friend 幫手,達要求的都打緊幾皮野既工,點可能出來做? 以現時這間菌型公司環境,諗唔通。

睇現在的環境,是否應該做一些簡單易做的小型系統開始先呢?


[1]

本人願意在妳公司實習


[引用] | 作者 ben | 30th Jan 2012 | [舉報垃圾留言]

[2]

唔肯定你個BLOG 仲係唔係ACTIVE. 我都仲做緊野但有志都想行下FREELANCER D 條路.GOOGLE 中無意見到你個BLOG. 睇左少少.坦白講,
真係要每單 project 都係大野 (你D WORKING REFERENCE, 我明白, 係一個人整的 [咁我都係PROGRAMMER 我明白公司係點用人la], 但大公司應該唔會BUY吧...) ?
變相好似D project REFERENCE 好難拎.


[引用] | 作者 little guy | 21st Oct 2013 | [舉報垃圾留言]