香港新浪網 MySinaBlog
« 上一篇 | 下一篇 »
Max Chow | 31st Mar 2010 | 軟件公司發展 | (3887 Reads)

上回講到計好了個價錢,繼續寫 ... Send 左份 Quotation 比佢。

廠果面有 protocol 要confirm, 做project做到底,打埋 sample E-mails 比佢地copy ,send過去廠果面做confirmation。 之後等左成幾日都無聲氣。 到差不多一個星期後,個朋友的朋友終於打來。廠果面confirm 左我地個用法完全正確,佢地 D device 係可以咁做。 咁即係個 Design 係可行既,係唔使做 PCB都得。 但因為唔使做 PCB ,佢老闆話四萬蚊太貴。最多比倒兩萬,問我點。我就話四萬已經係唔包 hardware 個價來的。 如包 Hardware,四萬係無可能啦。 我話咁啦,三萬我當拿個 project reference都仲得,兩萬真係做黑工咁既價我唔想。 (真係同黑工無分別,我唔係佢員工,佢無幫我買保險呀咁果D野,我做野發生意外,佢唔認我都仲得。)

再過多一日,佢打來話老闆話無問題,不過你要寫明個 Software 係我地公司擁有個 license ,仲有你可唔可以 send 個 Detailed Design 比我地,要有晒 System Block Diagrams, 要detail 到做倒Cabling。 全部 Screen Shot 同佢地既 Functional Description,仲有所用 PC 既最低 Hardware requirement (其實要乜PC之前Quotation有寫,等佢知成套幾錢)。 我同佢講,出呢D野,你老闆要跟返quotation 所講,比左上期先得。 咁佢又傳話啦,覆返來佢老闆話真係想好實在咁知道個系統係點樣佢先放心比deposit,無理由見都未見過個系統個樣就比錢。 咁…. 無所謂啦。因為其實搞左成個幾兩個星期, D野我都已經做好左係度,差執整齊就出得街。就執好比佢啦。

Send 左比佢之後…. 就再接唔倒電話了。過左幾日,打比佢想問下進展啦,打左幾次,電話都係傳來“呢個係 9xxxxxxx 既留言服務,請係必一聲  ….” 。之後介紹單 Project 比我果個 friend同我講返,話佢個 friend 個老闆都係話貴,放棄左唔做呢個 Project了。

佢老闆係咪真係唔做呢,定係見唔使做 Hardware,拿左個 Design 叫自已員工做返呢?我唔知。我亦唔會無聊到等間健身中心分店開張時去睇睇。

決定左做Freelancer既我寫到呢度,忽然間想起由『崔允信』執導既電影《三條窄路》裹面馬牧師講道說:「《聖經》話,『當進窄門,因為引去天國的路是窄的。路是小的,找着的人也少。』我知道呢條路唔容易,將感受孤單甚至被出賣;但門雖然係窄,路雖然係小,最終一定找到真理。」

但願我找到做Freelance 程式員的道路是光明的,快樂的,阿門。


[1]

你正面地看待這件事是很好的態度. 做人又點可能唔蝕底. 每次的蝕就是他朝的賺.


[引用] | 作者 阿哲 | 5th Nov 2010 | [舉報垃圾留言]

[2]

師兄,你EQ真高,努力呀


[引用] | 作者 同路人 | 1st May 2013 | [舉報垃圾留言]

[3]

有冇簽non-disclosure agreement?


[引用] | 作者 omg | 14th Jun 2014 | [舉報垃圾留言]

[4]

無呀。一開始佢地提我做好之後可以自己拿出去推售,告訴我市面上很多地方會有人買,所以叫我一開始不用計開發價錢計得那麼緊,要用『蝕頭賺尾』的思維去做。

而『金融保險』客戶就真的有說啲系統內部運作要保密,不可比人知內裡 details。例如 Trading Rule,比人知左就無價值的了。

Max Chow
[引用] | 作者 Max Chow | 15th Jun 2014 | [舉報垃圾留言]